Կեցցես, Գայ ջան, դու քո կռիվն ես տալիս և դու դեռ շատ ճակատամարտերում պիտի հաղթես։

Ապրի, որ ականատեսի գործը քո արվեստում շարունակվի։

Նրա նկարներում նշանակալի շեշտադրված է նկարչության և գեղանկարչության միջև կոնտրաստը, ինչը աշխատանքներին իսկապես հետաքրքիր դրսևորում է հաղորդում: Պատկերները ծավալային են, ընդ որում, նա հետաքրքիր կազմում և միախառնում է աբստրակցիան դրանց հետ։

«ԱԿԱՆատեսը» խորագիրը շատ դիպուկ է ընտրված։ Յուրաքանչյուր ստեղծագործություն պատմում է չարաբաստիկ պատերազմի տարբեր դրվագների մասին՝ դիտողին ականջալուր դարձնելով այդ արհավիրքին՝ կլանելով և տանելով այդ օրերը։

Հիացած եմ, Գայ ջան, քո ներաշխարհով, քո ստեղծագործություններով և հզոր ուժով...

Գայի շարքի վերնագիրը ԱԿԱՆատես է, բայց ինքն էլ վկա է՝ պատերազմի սարսափը... պատկերելուց չվախեցող։

Գայ Ղազանչյանի «ԱԿԱՆատեսը» շարքը իրենից ներկայացնում է մի բանաձև, որը մեզ տանում է մեր ժողովրդի ողբերգական ներկայի դռան բանալին գտնելու, այն ազդարարում է, որ դուրս գալու ժամանակը վրա է հասել։ 44-ը բավական է, ավելին՝ չի լինելու...

Հիմա, ի ուրախություն ինձ, տեսնում եմ նոր շնորհք և կայացած արվեստագետ, որը դեռ շատ հետաքրքիր ճանապարհ ունի անցնելու, վստահ եմ, որ հաջողություններով լի է լինելու այդ ճանապարհը, ի փառս քեզ և մեր Հայրենիքի։